Һәр нәмәнең үҙ ваҡыты бар

Тотош ил буйынса Берҙәм һалым иҫәбе институты әүҙем тормошҡа ашырыла. Уға ярашлы, ойошмалар һәм эшҡыуарҙар өсөн һалым түләү тәртибен үҙгәртеү ҡарала.

1 ғинуарҙан һалым органдарына түләнгән һалым суммаһы, һалым, страховка иғәнәһе буйынса аванс түләүҙәре тураһындағы иҫкәрмәләрҙе ебәрергә кәрәк. Был эш айҙың 25-енән дә ҡалмай атҡарылырға тейеш.

Рәсәй Федераль һалым хеҙмәтенең Башҡортостан буйынса идаралығы эш биреүселәргә 25 ғинуарға тиклем физик шәхестәрҙең (граждандарҙың) 2023 йылдың 1 ғинуарынан 22 ғинуарына тиклем килеме тураһындағы мәғлүмәттәрҙе тапшырырға тәҡдим итә.

Был мәғлүмәттәрҙе юридик шәхестәр (ойошмалар, предприятиелар) һәм шәхси эшҡыуарҙар ебәрергә тейеш. Шуға иғтибар итегеҙ: һалым органына ваҡытында ебәрелмәгән аҡса бюджетҡа үҙ ваҡытында бүленмәй һәм һөҙөмтәлә пеня түләнәсәк.

Фото: nalog.gov.ru/rn77/