Парк яҙҙы көтә

Бөгөн Башҡортостан Башлығы Радий Хәбиров баш ҡаланың Орджоникидзе районында нефть химияһы белгестәренең мәҙәниәт һәм ял паркында булды, унда тиҙҙән биләмәне төҙөкләндереү буйынса күләмле проект тамамланасаҡ.

Подрядсы ойошма вәкилдәре әйтеүенсә, әле бында ер ҡаҙыу эштәре тамамланған, йәйәүлеләр һәм велосипед юлдары һалынған, балалар һәм спорт майҙансыҡтары эшләнгән, урамдарҙы яҡтыртыу ҡорамалдары ҡуйылған.

Бынан тыш, проект сиктәрендә паркка ингән ерҙә тарихи арка тергеҙелә. Ҡапҡалар республикала сығарылған тәбиғи таштан эшләнгән. Паркты тантаналы асыу 2023 йылдың майына планлаштырыла.

- Был паркты төҙөкләндерә башлағас, ветерандарыбыҙ һәм күрше йорттарҙа йәшәүселәр тап ошо тарихи ҡапҡаны тергеҙеүҙе һораны. Матур килеп сыға. Был эштәр тамамланғас, Мәҙәниәт һарайы ҡаршыһындағы фонтанды тергеҙеүгә һәм күрше майҙандарҙы төҙөкләндереүгә тотонасаҡбыҙ, — тине Радий Хәбиров социаль селтәрҙәге яҙмаһында.

Фото һәм мәғлүмәт сығанағы Башҡортостан Хөкүмәте сайты.