Ҡырмыҫҡалы районының Иҫке Алексеевка ауылында бер ҡатлы ағас өй янып, кеше һәләк булған. Был турала БР Ғәҙәттән тыш хәлдәр министрлығы матбуғат хеҙмәте хәбәр итә. Торомбаштар араһында - өй ишеге ауыҙында - ҡотҡарыусылар 68 йәшлек ирҙең үле кәүҙәһенә юлыға.
Фажиғә булған биләмәлә ике өй урынлашҡан: береһендә зыян күреүсе йәшәгән, икенсеһендә - уның 38 йәшлек улы. Ут улының соланында башланған тип фаразлана.
Тикшереүселәр асыҡлауынса, 9 октябрь мәрхүм ир электр уты үткәреү маҡсатында үҙ өйөнән улының ағас соланына сым һуҙған. Ә төнөн, барыһы ла йоҡлаған ваҡытта, шул урында янғын сыҡҡан да инде. Төтөндө иң беренсе улының никахһыҙ йәшәгән ҡатыны һиҙеп килеп торған һәм ирен уятҡан, ә ул - ҡалғандарҙы... Ҡыҙғанысҡа ҡаршы, атай кеше әжәлдән ҡотола алмаған.
38 йәшлек ир ҙә зыян күргән - тәҙрәнән сыҡҡанда йәрәхәтләнгән, әмммә дауаханаға барыуҙан баш тартҡан.
Фото: news.myseldom.com