ЙОНДОҘНАМӘ (7 – 13 октябрь)

ҠУҘЫ

Был аҙнала кәйефегеҙ ҙә, һау­лығығыҙ ҙа шәп булыр. Үҙ көсө­гөҙ­гә ышанысығыҙ артыр. Элемтә сараһындағы етешһеҙлектәр арҡаһында план­лаштырылған осрашыу бер аҙға кисектерелер, моғайын. Ваҡиғаларҙы ашыҡтырмағыҙ, барыһы ла үҙ яйы менән барһын.

БУҒА

Үҙгәрештәр аҙнаһы етте, буғай. Әммә ашығырға ярамай. Ҡайһы бер хәлдәрҙе күңелегеҙгә яҡын алмағыҙ. Проблемалар хаҡында уйланып ултырмағыҙ, уларҙы хәл итеү сараһын күрегеҙ. Ваҡиғалар ағышына йоғонто яһай алмаһағыҙ, уларҙы икенсе юҫыҡта ҡабул итергә тырышығыҙ.

ИГЕҘӘКТӘР

Танылыу яулап, ҡайһы бер хәл-ваҡиғаларҙың уртаһында булыр­һығыҙ. Һеҙҙең менән аралашырға теләгән кешеләр күбәйеп китер, эшлекле тәҡдимдәр ҙә артыр. Эштә лә, шәхси тормошта ла киң мөмкинлектәр асылыр.

ҠЫҪАЛА

Ҡуйған маҡсатығыҙға өлгә­шеү­ҙә ныҡышмалылыҡ талап ителер. Эшегеҙ уңышлы булһын тиһәгеҙ, ныҡлы әҙерлек алып барығыҙ, һәр мәғлүмәтте ентекле тикшерегеҙ. Дуҫтары­ғыҙ­ҙың ярҙамынан баш тартмағыҙ, шул уҡ ваҡытта тулыһынса уларға һалышып та китмәгеҙ. Шикле эштән йыраҡ тороғоҙ.

АРЫҪЛАН

Ығы-зығынан ситләшеп, эске тойомлауығыҙға ҡолаҡ һалығыҙ. Ваҡиғалар һеҙ теләгәнсә барамы? Ошо арала көтөлмәгән хәлгә тарыуығыҙ ихтимал. Ҡайһы берҙә күптәнге бәйләнештәрҙе файҙаланырға тура килер. Мөһим эштә фекерҙәштәргә таянығыҙ.

ҠЫҘ

Ҡапыл ябырылған тәҡдимдәрҙән башығыҙ әйләнеүе ихтимал. Бе­рәүҙе лә үпкәләтмәйенсә, үҙ мәнфә­ғәтегеҙҙе ҡайғыртыу өсөн байтаҡ көс талап ителер. Ниәттәрегеҙҙе тормошҡа ашырыу өсөн ҙур тырышлыҡ һалып, көсөргәнешле эшләргә тура килер. Хеҙмәттәштәрегеҙ нервығыҙҙы ныҡлыҡҡа һынап ҡарар.

ҮЛСӘҮ

Башығыҙҙы эшләтһәгеҙ, һәр йәһәттән уңышҡа өлгәшерһегеҙ. Тормошоғоҙҙо ла, карьерағыҙҙы ла яҡшы яҡҡа үҙгәртеү мөмкинлеге бар. Осрашыуҙар, яңы кешеләр менән танышыуҙар көтөлә. Әүҙем булығыҙ. Имеш-мимешкә ышанмағыҙ.

САЯН

Ялҡаулыҡтан арынып, яңы маҡсаттарға ынтылыу өсөн уңышлы аҙна. Алдығыҙҙа – яңы проекттар, бурыстар, пландар. Уларҙан мул ғына табыш алыу мөмкинлеге бар. Шәхси тормошоғоҙҙа күптән хыялланған мөнәсәбәттәр барлыҡҡа килер, моғайын.

УҠСЫ

Сәйәхәт, эш командировкалары өсөн ҡулай осор. Шулай ҙа һәр ғәмәлдә иғтибар, хатта ваҡсыллыҡ талап ителер. Һәр мәғлүмәтте ентекле тикшерергә кәрәк, алданып ҡуймағыҙ. Эш урынында юғарыраҡ вазифа тәҡдим итеүҙәре бар, баш тартмағыҙ – килемегеҙ артыр.

ЫЛАҠ

Уңышлы алға барыу өсөн шик-шөбһәләрҙән, кәмселектәрҙән ҡото­лорға тырышығыҙ. Был аҙнала ғәҙә­ти булмаған тәҡдимдәрегеҙ ҙә ыңғай баһаланыр, яҡшы һөҙөмтә бирер. Ваҡиғаларҙы ашыҡтырмағыҙ, хатаға юл ҡуймағыҙ, һәр мәсьәләне ҡабат-ҡабат тикшерегеҙ.

ҺЫУҒОЯР

Тормошоғоҙға йомғаҡ яһап, үҙегеҙ өсөн кемдең һәм нимәнең әһәмиәтле булыуын асыҡларға тура килер. Үҙегеҙгә тәнҡит күҙлегенән ҡараһағыҙ ҙа, сама белегеҙ. Яҡындарығыҙҙы тыңлау менән бер рәттән, уларҙы ишетә белегеҙ, аҙаҡтан үкенергә тура килмәһен.

БАЛЫҠ

Теләгәнде түгел, ә кәрәк эште башҡарырға тура килер. Ҡулай алымды эҙләгеҙ, алтын урталыҡты табығыҙ. Сит кешеләрҙең кәңәшенә ҡолаҡ һалыу зыян итмәҫ, шулай ҙа уларға мөкиббән китмәгеҙ. Аҡыл менән эш итегеҙ. Яҡындарығыҙ менән һүҙгә килмәгеҙ.