Бөтә яңылыҡтар
Милли проекттар
25 Июль 2019, 05:28

Хеҙмәтләндереүҙең сифатын яҡшыртасаҡ

“Һаулыҡ һаҡлау” милли проектының “Онкологик сирҙәргә ҡаршы көрәш” төбәк проектына ярашлы, Республика клиник онкология диспансерына “Маммо-РП” автоматлаштырылған рентген-маммография стационар комплексы алынды.

Фото: pravitelstvorb.ru
“Һаулыҡ һаҡлау” милли проектының “Онкологик сирҙәргә ҡаршы көрәш” төбәк проектына ярашлы, Республика клиник онкология диспансерына “Маммо-РП” автоматлаштырылған рентген-маммография стационар комплексы алынды.


Был эш федераль бюджет иҫәбенә атҡарылды, хаҡы – 12 миллион һум.


Маммография системаһы пациент өсөн түбән радиация дозаһында уңайлылыҡ һәм һүрәтләнештең юғары сифатын тәьмин иткән, ҡулланылыуҙа ышаныслы төшөрөү ҡорамалы менән йыһазландырылған. Аппараттың ҙур өҫтөнлөгө – һанлы архивлаштырыу мөмкинлеге.


“Маммо-РП” ярҙамында йылына уртаса туғыҙ мең тикшереү үткәреп буласаҡ. Был аппарат ҡатын-ҡыҙҙы хеҙмәтләндереүҙең тиҙлеген һәм сифатын күпкә яҡшыртасаҡ.


Бөгөн рентген маммографияһы һөт биҙҙәре яман сире диагнозын аныҡлаған “алтын стандарт” булып ҡала. Онкологияла был ауырыу – иң күп осрағандарҙың береһе.