Быуын сирҙәренән ҡотолоу әмәле табылды

Донъяла 200 миллиондан ашыу өлкән кеше быуын сиренән ыҙалана. Айырыуса ҡатын-ҡыҙҙарға остеопороз сире хас, сөнки олоғая барыу менән уларҙа эстроген кимәле кәмей.

Ғалимдар һөйәктәр муртланыуының төп сәбәбен асыҡланы, тимәк, был процесты тотҡарлау әмәле лә бар тигән һүҙ. Ҡанда эстроген кимәле түбәнәйеүе һөйәк туҡымаһы үҫешен тотҡарлай, һөйәк мурт­ҡа әүерелә, тормош сифаты насарлана, сәләмәтлек ҡаҡшай. АҠШ эксперттары организмдағы химик реакциялар сылбырын күҙәткәндә уға тәьҫир итеп була, тип иҫәпләй. Тимәк, мейеләге эстроген рецеп­тор­ҙарына тәьҫир иткәндә, һөйәктәрҙең һыныусанлығын туҡтатырға мөмкин. Был юҫыҡта үткәрелгән тәжрибә­ләр шуны раҫлай, тимәк, тәрән ҡартлыҡҡа ҡәҙәр физик әүҙемлекте һәм хәрәкәтсәнлекте һаҡлауға ҙур өмөт бар.