Бөтә яңылыҡтар
Сәләмәт булайыҡ
23 Апрель 2019, 23:04

Һаулығығыҙҙы тикшертеп ҡалығыҙ!

Медицина тикшереүҙәре дауам итәсәк, даими уҙғарыласаҡ, тип белдерҙе социаль селтәрҙә Башҡортостан Башлығы вазифаһын ваҡытлыса башҡарыусы Радий Хәбиров.

Р.Ф. Хәбировтың "Фейсбук"тағы сәхифәһенән.
Р.Ф. Хәбировтың "Фейсбук"тағы сәхифәһенән.
Медицина тикшереүҙәре дауам итәсәк, даими уҙғарыласаҡ, тип белдерҙе социаль селтәрҙә Башҡортостан Башлығы вазифаһын ваҡытлыса башҡарыусы Радий Хәбиров.
Беҙҙә “Сәләмәт республика – сәләмәт төбәк” акцияһы старт алды. Халыҡ күсмә һаулыҡ үҙәктәре һәм фельдшер-акушерлыҡ пункттарында диспансеризация үтә ала. Бындай ҡоролмалар биш маршрут буйынса ебәрелде. Күсмә медицина үҙәктәре көҙгә тиклем эшләйәсәк.
“Тотош республика буйынса биш автопоезд ебәрелде, улар барлыҡ райондарҙа 10 октябргә тиклем буласаҡ. Акцияла күсмә Һаулыҡ үҙәктәре һәм фельдшер-акушерлыҡ пункттары, Республика клиник дауаханаһының, Республика кардиология үҙәгенең, күсмә флюорографтары һәм маммографтары, диагностика үҙәктәре, Республика стоматология поликлиникаһы модуле ҡатнаша. Бындай медицина тикшереүҙәре даими уҙғарыласаҡ, сөнки райондар халҡының күбеһе ҡалаларға һирәк сыға, уларға квалификациялы белгескә күренеү мөмкинлеге тыуҙырылырға тейеш”, – тип яҙҙы Радий Хәбиров.
Читайте нас в