+15 °С
Облачно
Сәләмәт булайыҡ
16 Февраля 2020, 19:15
Бер минут етә
Д.В. Корниҙың китабында бер минут эсендә үҙеңде ипкә килтереү методикаһы өйрәтелә. Сәләмәт булайыҡ!
Һуңғы осорҙа, организмдағы алмашыуҙы көйләү өсөн биологик актив нөктәләрҙе һылау файҙалы, тип күп яҙалар. Әммә бындай алым күп ваҡытты ала. Д.В. Корни үҙенең “Энәһеҙ нөктә – һылау” тигән китабында бер минут эсендә үҙеңде ипкә килтереү методикаһын өйрәтә.
- Йәһәт кенә усты усҡа ышҡығыҙ (5 секунд).
- Ҡыҙған бармаҡтар менән тиҙ генә сикәләрҙе өҫтән аҫҡа табан ышҡығыҙ.
- Бармаҡтарҙы баш түбәһендә "бейетеп” алығыҙ (5 секунд).
- Ҡулды йоҙраҡлап төйөп, тиҙ-тиҙ генә беләктәрҙең һыртын һәм эс яғын ышҡығыҙ (3 тапҡыр).
- Баш һәм һуҡ бармаҡтар менән ипләп кенә ҡалҡан биҙенә баҫып алығыҙ (3 тапҡыр).
- Муйында тибеп торған йоҡа артерияны табып, ипләп кенә баҫығыҙ һәм 5-кә тиклем һанағыҙ. Бушатығыҙ. Тәрән итеп тын алығыҙ.
- Баш бармаҡ менән баш мейеһенең соңҡаһы (умыртҡа менән тоташҡан ерендә) соҡорон табып, 3-кә тиклем һанағансы баҫып тороғоҙ (3 тапҡыр ҡабатлағыҙ).
- Аяҡтағы рефлектор зоналарын һылау:
а) баш бармаҡтың осон, аҙаҡ битен ҡыҫығыҙ. Ауыртып торған нөктә беленһә, ауыртыуы бөткәнсе ышҡығыҙ;
б) баш һәм һуҡ бармаҡтар менән сираҡ һеңерен ҡаты ғына итеп матҡып тотоп ҡыҫығыҙ, бушатығыҙ (һәр аяҡта өс тапҡыр ҡабатлағыҙ);
в) аяҡ суҡтарының өҫтөн йәһәт кенә ҡул йә икенсе аяҡ менән ышҡып алығыҙ.
- Усығыҙ менән балтырҙарҙы бөтә яҡлап, аҫтан өҫкә табан һуҡҡылап алығыҙ.
Һылауҙарҙан һуң тәнегеҙ рәхәт йылынһа, яҡшы була: 60 секунд эсендә һеҙ организмдың төп системаларын “уяттығыҙ”.
Фото: zen.yandex.ru
