Ҡаһарманлыҡтары юғары баһаланды

Бөгөн республиканың Һаулыҡ һаҡлау министрлығында тармаҡтың хеҙмәт алдынғыларына наградалар тапшырылды.

Башҡортостан Башлығы Хакимиәте етәксеһе Максим Забелин бөгөн тапшырылған наградаларҙың көн һайын республикала йәшәүселәрҙең һаулығы һәм уларҙың ғүмерен ҡотҡарыу өсөн ҡылынған ҡаһарманлыҡ өсөн ҙур рәхмәт билдәһе икәнлеге хаҡында әйтте, тип хәбәр итә республиканың Һаулыҡ һаҡлау министрлығының матбуғат хеҙмәте.

Рәсәй Президенты Указы менән һаулыҡ һаҡлау өлкәһендә 46 медицина хеҙмәткәре II дәрәжә “Ватан алдындағы ҡаҙаныштары өсөн” орден миҙалы, Ҡырым Лукаһы миҙалы һәм башҡа наградалар тапшырылды.

Фото: health.bashkortostan.ru