Күҙлек алдығыҙмы?

Ҡояш нурҙарын йәлләмәй, тирә-яҡҡа йылыһын һәм яҡтылығын өләшә. Ҡояш нурҙарынан һаҡлаусы күҙлектәр кейергә ваҡыт етте. Хәҙер уларҙың ниндәй генә төрлөләре юҡ, ҙурлыҡтары, формалары, линзалар төҫтәре буйынса үҙеңә оҡша­ғанын һайларға мөмкин. Бындай күҙлектәр күҙҙәрҙе зарарланыуҙан һаҡлай, катаракта үҫешеүе ихтималлығын кәметә, хатта тире яман шеше барлыҡҡа килеүен иҫкәртә, ти табиптар. Ультрафиолет нурҙарынан 99-100 процентҡа һаҡлаусы күҙлектәрҙе һайлағыҙ. Улар ни тиклем ҙурыраҡ, һаҡлау кимәле лә юғарыраҡ. Күҙҙәр тирәләй ваҡ ҡына йыйырсыҡтар хасил булыуҙан да күҙлектәр һаҡлар.

Динә АРЫҪЛАНОВА