Владимир Путин Татьяна Москалькованы ҡабул итте

Һөйләшеүҙә Рәсәй гражданлығын алыуҙа осраған проблемалар, ипотека алған ғаиләләргә һәм өлөшсөләргә ярҙам мәсьәләләре, енәйәт-процессуаль ҡануниәткә бәйле һорауҙар һ.б. ҡаралды. Омбудсмен дәүләт етәксеһенә журналист Иван Голуновтың эше тураһында ла мәғлүмәт бирҙе.

Татьяна Москалькова һүҙҙәренсә, быйыл халыҡтан 38 650 мөрәжәғәт алынған – былтырғыға ҡарағанда дүрт мең самаһына әҙерәк. Владимир Путинды айырыуса торлаҡ ҡануниәтенә бәйле һорауҙар ҡыҙыҡһындырҙы.

“Был өлкә буйынса мөрәжәғәттәр ҙә, белеүемсә, быйыл әҙерәк”, – тине ул.

Омбудсмен, ысынлап та, шулай булыуын, сөнки торлаҡ мәсьәләләрен хәл итеүгә йүнәлтелгән сараларҙың күбәйеүен, һөҙөмтәле эшләүен белдерҙе.

Милли проекттарҙы тормошҡа ашырыу ҙа быға үҙ өлөшөн индерәсәк.

#ВладимирПутин