Совет һәм Рәсәй эстрадаһы йырсыһы Юрий Шатуновтың гастролдәре илебеҙ ҡалаларында, сит төбәктәрҙә уңышлы бара. Ихлас, һөйкөмлө йырсы күп һанлы тамашасыларын һис юғалтмай. Шул уҡ тауыш, стиль, буй-һын, күңелгә яҡын тәүге һөйөү, дуҫлыҡ, романтика темалары…
Юрий Шатуновтың өр-яңы концерт программаһы “Өндәшмәй ҡалма” тип атала. Ул үҙ эсенә өр-яңы ижад композицияларын алған. Данлы яҡташыбыҙҙың гастролдәре яртышар йыл дауам итә, һәр ерҙә аншлаг менән үтә.
Йырсының хәләл ефете һәм балалары Германияла йәшәй. Яҡындары уға һәр йәһәттән булышлыҡ итә, эшен аңларға тырыша. Юрий Шатунов билдәләүенсә, ғаиләһе – уның төп байлығы.
Мәғлүм булыуынса, Юрий Шатунов 1973 йылдың 6 сентябрендә Башҡорт АССР-ының Күмертау районындағы Савельевка ауылында тыуған.