Яҡташыбыҙҙың ҡыҙы тыуҙы... Пенелопа

Сығышы менән Ейәнсура районынан булған юрист, элекке Дәүләт Йыйылышы -Ҡоролтай депутаты Эрик Мусиндың бүләсәре тыуҙы. Уның Зөлфиә ҡыҙының улы Даниил Квят бразил һөйгәне Келли Пике менән ҡыҙына Пенелопа тигән исем ҡушҡан.

Даниил - билдәле автоуҙышсы, абруйлы "Формула - 1" серияһында сығыш яһай. Келли ҙа төшөп ҡалғандарҙан түгел - данлыҡлы чемпион Нельсон Пикеның берҙән-бер ҡыҙы.

Шуныһы ҡыуаныслы: бәпес тыуған 27 июль көндө яҡташыбыҙ Германиялағы уҙышта һуңғы өс йылда тәүгә призлы урын яуланы. Был уңышы уның спорт тормошонда өсөнсөһө.