“Ошо бәхет түгелме ни?”

Байрамда чиновниктар ял итеп кенә ятмай, бөтә яңылыҡтарҙы күҙәтеп , анализлап бара икән . Мәҫәлән , һаулыҡ һаҡлау министры Максим Забелинды республикала 2020 йылдың тәүге көнөндә 54 сабыйҙың донъяға килеүе һис тә иғтибарһыҙ ҡалдырмаған. Социаль селтәр аша ул ихлас күңелдән сабыйҙарҙың ата-әсәләрен ҡотлап, бәпестәргә һаулыҡ теләгән.

“29 ҡыҙ бала, ә малайҙар – 25. Иң беренсе сабый республика перинаталь үҙәгендә, игеҙәк малайҙар – Ҡыуатов исемендәге республика дауаханаһының бала табыу йортонда донъяға килде. Ошо бәхет түгелме ни?” – тип яҙған министр.

Байрам көндәрендә үҙ зштәрен намыҫ менән атҡарған акушерҙарға, табиптарға рәхмәттән башҡа ни әйтәһең! Сабыйҙарҙың ата- әсәләренең ғаиләләре тулыланыу шатлығын беҙ ҙә уртаҡлашабыҙ, бәхет теләйбеҙ! Ысынлап та, йортҡа бәпес ҡайтыуынан да олораҡ ниндәй һөйөнөс булыуы мөмкин?

Фото:Горобзор