Кеше ҡайғыһына битараф булмайыҡ

Баҡалы районында М. Шайморатов исемендәге ирекмәндәр штабы өлөшләтә мобилизацияға ярашлы хәрби хеҙмәткә саҡырылғандар өсөн гуманитар ярҙам ойоштора.

– Кем тәүгеләрҙән булып ярҙамға килде, мөһим эштән ситтә ҡалманы, барыһына ла ҙур рәхмәт! Беҙ бөтә донъяға беҙҙең өсөн сит бәләнең булмауын, үҙебеҙҙекеләрҙе ташламаясағыбыҙҙы тағы бер ҡат иҫкә төшөрҙөк, – ти ирекмәндәр.

Ауыл халҡы ғүмер баҡый ярҙамсыллығы, башҡаларҙың ҡайғыһына битараф булмауы менән танылыу алған. Изгелек күрһәтеү, кеше хәленә инә белеү, кесене - кесе, олоно оло итә белеү  – улар өсөн мәңгелек күркәм сифаттар.  

“Баҡалы таңдары” хәбәрселәре ирекмәндәр штабында булып, уларҙың эшмәкәрлеге менән яҡындан танышҡан.

Фото: “Баҡалы таңдары” гәзите.