Хатта төндә сират теҙелгән

Хәбәр итеүҙәренсә, “Салауат Юлаев” менән “Аванвард” араһындағы алтынсы матчҡа билет бер нисә сәғәт эсендә һатылып бөткән. Клубтың рәсми сайты ҙур көсөргәнеште күтәрә алмаған, ә кассаларҙан иртәнсәк һуңғы билеттарҙы алыу өсөн төндә сират теҙелгән.

Бөгөн бушлай иғландар сайтында матчҡа билет тәҡдим итеүҙәр күренә. Хаҡтары – 890 – 3000 һум. Хоккей клубында иҫкәртәләр: бындай иғландарға ышанырға ярамай.

Боҙ аренаһы трибунаһына эләгә алмағандар өсөн фан-зоналар ойошторорға вәғәҙә итәләр.

Матч киске сәғәт 7-лә башлана.