Бөгөн Рәсәй премьер-лигаһының 28-се туры матчында “Өфө” футбол клубы “Спартак-Мәскәү” командаһы менән осрашты.
Уйын илдең баш ҡалаһы стадионында үтте.
Өҫтөнлөк – майҙан хужаларында. “Өфө” 0:1 иҫәбе менән еңелде.
Матчта берҙән-бер голды 11-се минутта Зе Луиш индерҙе.
“Өфө” футболсылары “Спартак”тың ҡапҡаһы янында бер нисә хәүефле мәл булдырҙы, әммә маҡсатын тормошҡа ашыра алманы, тип хәбәр иттеләр беҙҙең клубтан.