Калининградтан Камчаткаға тиклем!

Башҡортостан Башлығы Радий Хәбиров социаль селтәрҙәге сәхифәһендә бөгөн башланған көрәшселәр турниры тураһында яҙма менән уртаҡлашты.

"Өфөлә полиция генерал-лейтенанты, тыуған илебеҙҙең ысын патриоты Артур Фәрүәз улы Әхмәтханов иҫтәлегенә арналған көрәш буйынса Бөтә Рәсәй турниры старт алды.

Артур Фәрүәз улы Башҡортостанда милли көрәште үҫтереү өсөн күп эшләне, көрәште ысын күңелдән яратты һәм спортсыларға ла ярҙам итте.

Уның иҫтәлегенә тәүге турнирҙы 2019 йылда үткәргәйнек, аҙаҡ пандемия сәбәпле ике йыл ойошторолманы.

Көрәш Башҡортостандан ситтә лә киң танылған – ярышҡа Калининградтан алып Камчаткаға тиклем илдең төрлө төбәктәренән килделәр. Барлығы 140 кеше ҡатнашһа, уларҙың 64-е - Башҡортостандан.

Барыһына ла лайыҡлы еңеүҙәр теләйем!" - тип яҙҙы Радий Хәбиров.

Фото: Башҡортостан Башлығы сәхифәһе.