Ике республика араһында килешеүгә ҡул ҡуйылды

Рәсәй спорт министрының беренсе урынбаҫары Азат Ҡадиров республиканың физкультура һәм спорт буйынса кәңәшмәһендә Башҡортостандың илдәге уртаса күрһәткестән юғарыраҡ спорт төбәктәренең береһе булыуы тураһында әйтте.

“Күп осраҡта был республика етәксеһенең, Спорт министрлығының һәм спорт йәмәғәтселегенең иғтибары һөҙөмтәһендә өлгәшелә. Байтаҡ аҡса спорт объекттарын төҙөүгә тотонола. Шәхсән үҙем Светлана Хоркинаның Гимнастика үҙәген ҡараным, Көрәш һарайы, ишкәкле слалом комплексы төҙөлә, Фехтование үҙәген төҙөүгә старт бирелде. Башҡортостанда йыл һайын ун меңләгән спорт һәм физкультура сараһы ойошторола", - тине Азат Ҡадиров.

Совет кәңәшмәһендә шулай уҡ Башҡортостан Спорт министрлығының Донецк һәм Луганск халыҡ республикаларының тармаҡ ведомстволары менән хеҙмәттәшлек тураһындағы килешеүгә ҡул ҡуйылды. Башҡортостан Башлығы көрәш балаҫтарына сертификаттарҙы Донецк Халыҡ Республикаһының йәштәр, спорт һәм туризм министры Александр Громаковҡа, Луганск Халыҡ Республикаһының мәҙәниәт, спорт һәм йәштәр идаралығы етәксеһе Олег Шеренешевҡа тапшырҙы.

Олег Яровиков фотоһы.