Тәүге еңеүселәр асыҡланды

Бөгөн Өфөлә башланған, Рәсәй Геройҙары иҫтәлегенә арналған самбо буйынса “Zвезда” Бөтә Рәсәй турнирының тәүге еңеүселәре тәбрикләнде. Сара “Рәсәй Zа Самбо” форумы сиктәрендә бара.

Турнир 1800 спортсыны йыйған. Самбо үҫеп килгән быуын вәкилдәрен илһөйәрлек рухында тәрбиәләргә булышлыҡ итә, тип билдәләнде ярыштарҙа.

Әйткәндәй, самбо буйынса Бөтә Рәсәй турниры – Көрәш һарайында үткәрелгән беренсе масштаблы ярыштар.

Башҡортостан Республикаһы исеменән сығыш яһаған спортсылар ҙа еңеүселәр исемлегендә булды. Мәҫәлән, Белореттан килгән Азамат Шаһимәрәҙәнов – беренсе (64 килограмлыҡ ауырлыҡ үлсәме), Ислам Әхмәтйәнов – икенсе (71 килограмлыҡ ауырлыҡ үлсме), Егор Точилкин өсөнсө урынға (64 килограмға тиклемге ауырлыҡ үлсәме) лайыҡ булды.

Автор фотолары.