89 кеше һәләк булған...

Республиканың Транспорт буйынса дәүләт комитеты рәйесе Тимур Мөхәмәтйәнов юл хәрәкәте хәүефһеҙлеген тәьмин итеү йәһәтенән башҡаралған саралар тураһыда һөйләне.

Башҡортостан юлдарында юл-транспорт фажиғәләрә күпләп теркәлгән 136 урын асыҡланған. Уларҙы бөтөрөү маҡсатында махсус комиссия эш башлаған. Белгестәр был урындарҙы ентекләп өйрәнәсәк. Унда юл билдәләре ҡуйыласаҡ, юлдар ремонтланасаҡ, соҡорҙар ямаласаҡ. Яңы термопластик һыҙаттар һыҙыу, фотовидеотеркәү камераларын ҡуйыу ҙа ыңғай һөҙөмтә бирер, тип көтөлә.

“Был мәсьәләгә һуңғы ваҡытта ҙур иғтибар бирәбеҙ. Үлемесле авариялар – тәү сиратта яҡындарын юғалтҡан ғаиләләр өсөн ҙур фажиғә. Юлдарҙы хәүефһеҙ итеү – мөһим дәүләт бурысы, беҙ уны хәл итергә тейешбеҙ. Уңышҡа өлгәшеү өсөн, бының менән иртәнән кискә тиклем шөғөлләнергә кәрәк”, – тине Радий Хәбиров.