Бөтә яңылыҡтар
Йәмғиәт
13 Май 2019, 17:09

Һеләүһен менән бурһыҡ ҡотора...

Бишбүләк һәм Бүздәк райондарында ҡотороу сире буйынса карантин иғлан ителде. Был туралағы указ Башҡортостандың хоҡуҡи мәғлүмәт порталында баҫылып сыҡты.

Бишбүләк һәм Бүздәк райондарында ҡотороу сире буйынса карантин иғлан ителде. Был туралағы указ Башҡортостандың хоҡуҡи мәғлүмәт порталында баҫылып сыҡты.


Документҡа ярашлы, ауырыу сығанағы 30 апрелдә Бүздәк районы Ҡаҙаҡлар-Ҡобау ауылының Ҡулса урамындағы 20-се йортта билдәләнгән. Республика ветеринария идаралығынан хәбәр итеүҙәренсә, сир һеләүһендә асыҡланған. Ҡоторған йәнлек ауылдағы ихаталарҙың береһенә инеп, уны ҡыуырға маташҡан хужаға ташланған. Һунарсылар уны атып үлтергән.


6 майҙан карантин Бишбүләк районы Уҫаҡкисеү ауылының Ғәйнә урамындағы 33-сө йортта ғәмәлгә ингән. Бында ҡоторған бурһыҡ табылған.


Карантин зонаһында эт һәм бесәйҙәр күргәҙмәһен ойоштороу, уларҙы һатыу һәм биләмәнән сығарыу тыйыла. Ҡырағай хайуандарҙы ла ауларға ярамай.


Икенсе указ менән 5 майҙан Учалы районының Ҡолош ауылында ошоға тиклем ғәмәлдә булған карантин бөтөрөлгән.


Фото: news.yandex.ru