Ентекле һәм теүәл хеҙмәт

Фойела бик бай йөкмәт­келе күргәҙмә ойошторолдо. Ул архив хеҙмәтенең тарихына һәм бөгөнгөһөнә арналды, күптәрҙе архив доку­менттарының виртуаль күр­гәҙмәһе ҡыҙыҡһын­дырҙы. Шулай уҡ бында идаралыҡ иғлан иткән шәжәрәләр конкурсына ебәрелгән эштәр ҙә урын алғайны.

Зал тамашасылар менән тулы булды. Бөгөнгө хеҙмәт­кәрҙәр, ветерандар бары­һы ла архив эшмәкәрлегенә ҡағылышы булған кешеләр ине.

Республикабыҙ тарихын теркәүселәрҙе Башҡорт­ос­тан Хөкүмәте Премьер-министры урынбаҫары вази­фа­һын башҡарыусы, Хөкү­мәт Аппараты етәксеһе Илшат Тажетдинов тәбрик­ләне. Ул Башҡортостан Башлығы вазифаһын ваҡыт­лыса баш­ҡарыусы Радий Хә­би­ровтың ҡотлау сәләмен ет­керҙе. Радий Фәрит улы архив хеҙ­мәт­кәрҙәренең эшен юғары баһалап, килә­сәктә лә уңыштар теләгән. Илшат Азамат улы ида­ралыҡтың алдынғы хеҙ­мәткәрҙәренә респуб­ли­каның юғары наградаларын тапшырҙы.

Рәсәйҙең Дәүләт Думаһы депутаты Илдар Бикбаев шулай уҡ архивсыларҙы ҡотланы һәм Дәүләт Думаһы наградаларын тапшырҙы.

Илдә һәм республикала архив хеҙмәтенең барлыҡҡа килеүе, үҫеүе һәм бөгөнгөһө тураһында Архив эштәре буйынса идаралыҡ начальнигы Илфат Ғәлләмов һөйләне.

– Хеҙмәткәрҙәрҙең на­мыҫ­лы, ентекле һәм фиҙа­кәр хеҙмәте арҡаһында республикала бик бай һәм мө­һим архив фонды булдырылды. Һуңғы йылдарҙа беҙҙең төп бурысыбыҙ – архив фондтарын һаҡлау, матди-техник базаны нығытыу, эшкә мәғлүмәт-коммуникация технологияларын инде­реү. Беҙ быларҙы тормошҡа ашырҙыҡ, – тине ул.

Республика архивсылары өсөн бик матур һәм сағыу концерт ҡуйылды.