Милли проект эшсе һөнәр эйәләренә юл аса

Конкурста ҡатнашыусылар оҫталыҡтарын бер нисә этапта һынаны. Беренсе урын яулаған Евгения Хафизоваға 50 мең һум күләмдә аҡсалата бүләк тапшырылды. Икенсе һәм өсөнсө урындар өсөн – 30 һәм 15 мең һум.

Сараны үткәреүҙең төп маҡсаты – йәш быуында эшсе һөнәрҙәргә ҡарата ҡыҙыҡһыныу уятыу. Бер кемгә лә сер түгел, бөгөн етештереү һәм хеҙмәтләндереү тармаҡтарында әлеге өлкәләге белгестәргә ихтыяж ҙур ғына.

Был хаҡта мәктәптәрҙең өлкән класс уҡыусылары менән осрашыуы барышында ил Президенты Владимир Путин да белдергәйне.

“Беҙгә эшсе ҡулдар ғына түгел, ә эшсе һөнәрҙәр буйынса яҡшы әҙерлекле белгестәр етешмәй”, – тигәйне ул. Һөнәри оҫталыҡ конкурстары үткәреү, уларға ярайһы уҡ яҡшы аҡсалата приздар бүлеү ошо йүнәлештә алып барылған эшмәкәрлекте йәнләндереүҙе, эшсе һөнәр эйәләрен дәртләндереүҙе маҡсат итеп ҡуя.

#ВладимирПутин#национальныепроекты#нацпроекты

#региональныепроекты#регпроекты#нацпроектыБашкортостан

Фото: Башҡортостандың Сауҙа һәм ҡулланыусылар хоҡуҡтарын яҡлау буйынса дәүләт комитетының матбуғат хеҙмәте.