Ниһайәт, айырылдылар!

Дөйөм алғанда, сабыйҙар операция өҫтәлендә 50 сәғәткә яҡын ятҡан, 100 медицина хеҙмәткәре операция эшләүҙә ҡатнашҡан.

Ике йәшлек кенә Сафе менән Марва хәҙер, ниһайәт, бер-береһенән айырым йәшәй башлаясаҡ. Ҡыҙҙар баш һөйәге, ҡан тамырҙары менән йәбешеп тыуған. Британияның Лондон ҡалаһы балалар дауаханаһында Палестина ғаиләһенә ярҙам итәләр.

Операция өс этапта бара: беренсеһендә – артерияларҙы, икенсеһендә веналарҙы айыралар, һуңғыһында баш һөйәктәрен формалаштыралар.

Икенсе операция ваҡытында сабыйҙарҙың береһе инсульт кисерә. Табиптар балаларҙың ғүмере өсөн ныҡ хәүефләнә. Бәхеткә ҡаршы, игеҙәктәрҙе айырыу уңышлы үтте, тип белдерә улар әле.