Туғыҙынсы ҡаттан ташлаған

Бөгөн Ишембай ҡалаһында туғыҙ ҡатлы йорттоң тәҙрәләре аҫтында үле кәүҙә тапҡандар. Һуңыраҡ һәләк булған йәш ҡатындың кем икәнлеге асыҡланған: 29 йәшлек балалар баҡсаһы тәрбиәсеһе булған.

Ҡурҡыныс ваҡиға шаһиттары фажиғәнең төрлө сәбәптәрен күҙаллағансы, хоҡуҡ һаҡлау органдары хеҙмәткәрҙәре түбәндәгене асыҡлаған: ҡатынды туғыҙынсы ҡаттан ташлағандар, енәйәт башҡарыуҙа шик аҫтына 29 йәшлек ир, һәләк булған ҡатындың танышы, алынған.

Ҡулға алғанда уның иҫерек булыуы мәғлүм. Ул быға тиклем уғрылыҡ өсөн хөкөм ителгән. Асыҡланыуынса, ҡатынды көнкүреш низағы барышында үлтергән.