+19 °С
Облачно
Йәмғиәт
3 Ноября 2019, 08:23
Полиция хеҙмәткәрен көтөп тороп атҡандар
Баш ҡаланың Академик Анохин урамында кисә киске сәғәт туғыҙ тирәһендә атыш була.
Фото Ингушетия буйынса Эске эштәр министрлығынан.
Баш ҡаланың Академик Анохин урамында кисә киске сәғәт туғыҙ тирәһендә атыш була. Киллерҙарҙың ҡорбаны Ингушетия кешеләре булып сыға, улар шунда уҡ йән бирә.
Һәләк булған ирҙәр – Ингушетия Эске эштәр министрлығының Экстремизмға ҡаршы тороу үҙәге етәксеһе Ибраһим Эльджаркиев һәм уның бер туған ағаһы. Енәйәт Ибраһим Эльджаркиевтың вазифаһына ла бәйле тигән фараз бар.
Әйткәндәй, етәксегә быйыл ғинуарҙа ла һөжүм иткәндәр. Ул саҡта автомобилдә бергә булған ике полиция хеҙмәткәре яралана, һуңынан береһе дауаханала вафат була.
Мәскәүҙә булған был фажиғәле хәл буйынса енәйәт эше асылды. Уны тикшереүгә Рәсәйҙең Баш тәфтиш комитеты хеҙмәткәрҙәре тотондо. Һөжүм итеүселәр әлегә билдәһеҙ. Улар ҡорбандарының ҡайҙа барырын алдан белеп, көтөп торған, "Лада -Гранта" автомобилендә булған.
