-2 °С
Болотло
Бөтә яңылыҡтар
Йәмғиәт
12 Ноябрь 2019, 23:30
Немецтар ҙа “Айыҡ ауыл” яҡлы
"Беҙ ҙә айыҡ ауыл яҡлы”, - тигән һүҙҙәр менән башлана Германияның ЦДФ (ZDF) федераль телеканалының Белорет районының Ҡоҙғон-Әхмәр ауылында үткән байрам тураһындағы репортажы.
“Бөтә донъя һаулыҡ һаҡлау ойошмаһы мәғлүмәттәренән күренеүенсә рәсәйҙәр күп эсә. Әммә статистика Рәсәй халҡының спиртлы эсемлектәрҙе әҙерәк ҡуллана башлауын да таный. Немецтар менән сағыштырғанда, әҙерәк. Беҙ ҙә айыҡ ауыл яҡлы”, - тигән һүҙҙәр менән башлана Германияның ЦДФ (ZDF) федераль телеканалының "Айыҡ ауыл" конкурсы тураһында репортажы.
Немец журналистары октябрь айында Белорет районының Ҡоҙғон-Әхмәр ауылында үткән үҙенсәлекле сарала ҡатнашҡайны. Был ауыл халҡы быйыл республикала ойошторолған “Айыҡ ауыл” конкурсында ҡатнашты һәм ошо сараға ярашлы, бында “Ҡоҙғон-Әхмәр йыйыны” тигән матур байрам уҙғайны.
Әле бына ошо сәйәхәттең һөҙөмтәһе булып Германияның эре федераль каналдарының береһе һаналған ЦДФ-та (ZDF) башҡорт ауылы һәм уның айыҡ тормош яҡлы кешеләре хаҡында репортаж донъя күргән.
Тапшырыуҙы https://www.zdf.de/nachrichten/heute-in-europa/nuechtern-russland-100.html һылтанмаһы аша ҡарарға мөмкин.
Фото: Белорет районы хакимиәте сайтынан.
Новости партнеров