+16 °С
Облачно
Йәмғиәт
31 Декабря 2019, 15:20
Нуғайҙар – “Ҡыш әкиәте”ндә
Яңы йыл алдынан республикабыҙҙа төрлө күңел асыу саралары дауам итә. Мәҫәлән, бөгөн Өфө ҡалаһы Октябрь районының Нуғай ауылында ҙур байрам ойошторолдо.
Яңы йыл алдынан республикабыҙҙа төрлө күңел асыу саралары дауам итә. Мәҫәлән, бөгөн Өфө ҡалаһы Октябрь районының Нуғай ауылында ҙур байрам ойошторолдо.
Нуғай мәҙәниәт йорто майҙанына иртә менән олоһо ла, кесеһе лә ағылды. Дәртле йыр-моң алыҫтарға ишетелеп тора, был урын байрамса биҙәлгән. Ҡыш бабай менән Ҡарһылыу ҡунаҡтарҙы ҡаршы алды. “Ҡыш әкиәте” тигән театрлаштырылған тамаша быйыл айырыуса йәнле үтте.
– Нуғайҙа егерме йыл тирәһе йәшәйбеҙ, әммә ошоға хәтлем бындай матур байрам уҙғарылманы, – тине, мәҫәлән, табип Владик Кәримов. – Ейәнем менән ейәнсәремде лә алып килдем, барыбыҙ ҙа быйма кейҙек. Буран ҡотора, ә беҙгә ул ҡурҡыныс түгел. Камил рәхәтләнеп тау шыуҙы, ә Светлана сысҡан, төлкө, ҡуян кеүек урман йәнлектәре менән уйнаны, хатта конкурста ҡатнашып, бүләк тә отто. Ҡатыным Флүрәне көтәбеҙ, ул һуңғараҡ киләсәк.
Байрамды ойоштороусылар билдәләүенсә, бындай саралар халыҡты нығыраҡ берләштерә.
Фото: culture.ru
