Зинира менән Ризатҡа нимә булған?..

Зинира һәм Ризат Рамаҙановтар ғаиләһе ошо көндәрҙә күңелһеҙлеккә тарыған. Ҡариҙел районы ҡыҙы Зинираның "Инстаграм" социаль селтәрендәге аккаунтын ватҡандар. Был күңелһеҙ хәл тураһында Ризат үҙенең сәхифәһендә бәйән иткән.

Әлбиттә, бындай хәлдәр йырсылар араһында ғына күҙәтелмәй, ябай кешеләр ҙә быға йыш тарый. Әлеге аккаунты хәҙер Ризаттыҡы ғына түгел икән, ә йондоҙло ғаиләнең уртаҡ сәхифәһе лә. "Һорауҙарығыҙ, тәҡдимдәрегеҙ йәки теләктәрегеҙ булһа, бында яҙығыҙ. Зинираны юғалта күрмәгеҙ берүк", - тип хәбәр итә ғаилә башлығы.

Рамаҙановтар ғаиләһе тағы бер күңелһеҙлеккә юлыҡҡан. Зинираның ауырып китеүе сәбәпле, бер нисә урында буласаҡ концерттары күсерелә икән. Йырсының тиҙерәк һауығып, сәхнәгә ҡайтыуын теләйек.