Беҙҙең заман геройҙары. Кемдәр улар?

Республика Башлығы Радий Хәбировтың сәхифәһенән:

- "Беҙҙең заман геройы" тигән төшөнсә бар. Һәр ваҡыттың – үҙ геройы. Минең үҙ исемлегем бар.

Беренсенән, илебеҙҙе яҡлап, махсус хәрби операцияла ҡатнашыусы һалдаттарыбыҙ. Икенсенән, коронавирус менән көрәштең ике ауыр йылын үткәрешкән табиптар. Әйткәндәй, бөгөн уларҙың күбеһе күңел талабы буйынса ялан госпиталдәрендә эшләй, яңы биләмәләрҙәге кешеләргә ярҙам итә. Өсөнсөнән, мохтаждарға ярҙам иткән ирекмәндәр.

Тағы ла ысын геройҙар – ул ошо ҡыҙ һәм егеттәр, "Абилимпикс" милли чемпионатының еңеүселәре, призёрҙары. Улар – бөтә бәлә-ҡазаларҙы, һаулыҡтары менән бәйле ҡыйынлыҡтарҙы еңеп, күңелгә ятҡан шөғөлө менән булған һоҡланғыс кешеләр. Улар менән аралашып, беҙ ҙә рухи яҡтан көслөрәк була барабыҙ. Уларҙың ныҡлы ихтыяры, үҙ өҫтөндә эшләүе, бер нәмәгә ҡарамайынса алға барыу һәләте барыбыҙға ла өлгө булып торорлоҡ, – тип яҙҙы республика Башлығы.

Сығанаҡ: vk.com/radiyhabirov