Сирҙән ҡотолған күптәр уға рәхмәт әйтә

7 апрель – Бөтә донъя сәләмәтлек көнө айҡанлы “Башҡортостан” гәзите ойошторған “Һаулыҡ һаҡсыһы” конкурсы дауам итә. Сираттағы конкурсантыбыҙ – “Медикал Он Групп” компанияһының андрологы, венерологы һәм урологы Камил Ғизәр улы ҠОТОШЕВ.

Ул 20 йылдан ашыу инде андрология, венерология, урология, проктология өлкәләрендә уңышлы дауалай. 2003 йылда Башҡортостан дәүләт медицина институтын тамамлаған, ике тапҡыр Сеченов исемендәге Мәскәү медицина академияһында һөнәрен камиллаштырыу курстарынла уҡыған. Юғары категориялы белгес шулай уҡ абдоминаль хирург бурыстарын да башҡара. Камил Ғизәр улының белеме һәм оҫта ҡулдары күптәрҙе простатит, уретрит, цистит һәм башҡа сирҙәрҙән ҡотҡарған.