Бөтә яңылыҡтар
Ҡырағай мөхит
1 Март 2022, 23:00

Һынамыштар ни һөйләй?

Март башында сәпсек эсерлек һыу бар икән, тимәк...

Һынамыштар ни һөйләй?
Һынамыштар ни һөйләй?

Тәбиғәтте күҙәтеү – борондан килгән ғәҙәт. Күп йылдар һыналып килгәнгә күрә лә халыҡ күҙәтеүҙәренең күбеһе ысынға тура килә. Март айына һынамыштар ни һөйләй?

- Март башында сәпсек эсерлек һыу булһа, йәй яҡшы килер.

- Мартта ҡар өҫтөндәге һалам ҡарға иреп инһә, бер айҙан ҡар китер.

- Ҡайын һыуы күп аҡһа, йәй ямғырлы булыр.

- Аҡҡош иртә килһә, яҙ насар булыр, оҙаҡ торор.

- Әгәр ҙә тауыҡтар яҙ көнө төнәктән иртә төшһә – йәй насар булыр, әгәр һуң төшһәләр – йәй яҡшы булыр.

- Март башында тамсы тамһа, йәй яҡшы килә.

- Мартта йылы булһа, йыл һалҡын була.

- Мартта көн менән төн тиңләшә.

- Марттың шартын апрель сығарыр.

- Яҙ иртә килһә, ашлыҡ уңыр.

- 1 мартта елләп торһа, бөтә йәй елле булыр.

- Ҡар ағасҡа йәбешеп торһа, көн епшетер.

Фото: cameralabs.org

Автор:Римма Султанова
Читайте нас: