Ауыл урамынан айыу йүгерә...

Коллегабыҙ Сибәғәт Рахманғолов күптән түгел Ишембай ҡалаһының Чкалов урамындағы йорттар янында сабыулап йөрөгән урман кейегенең видеоһы менән уртаҡлашҡайны, ә бөгөн ул Көйөргәҙе районының Яҡшымбәт ауылы урамдары буйлап сабып йөрөгән айыу балаһы тураһында видеояҙма ҡуйҙы.

“Был тайыштабандарға ни булған быйыл? Хатта, ялан яғы тип тормай, ана, беҙҙең күрше Яҡшымбәт ауылына ла килеп сыҡҡандар. Яланда ғына ерҙең кәкүге юҡ, тип йырлаған булалар, айыуы ла барсы ҡылғанлы даланың”, - тип яҙҙы журналист.

Иң мөһиме – көпә-көндөҙ ауыл урамы буйлап сабып йөрөгән тайыштабан кешеләргә, бала-сағаға, мал-тыуарға зыян килтермәһен.  

Сығанаҡ: https://vk.com/id201919463