Иртә һәм аномаль йылы яҙ көтөлә

Яҙҙың тәүге айы аномаль йылы һауа торошо менән ғәжәпләндерәсәк. Март аҙағына көндөҙ һауа +10 градусҡаса йылына. Алдағы айға һауа торошон “Фобос” үҙәге синоптиктары хәбәр итте.

Рәсәй метеохеҙмәте мәғлүмәттәре буйынса, плюс температура 16 марттан алып билдәләнә. 16-18 мартта ямғыр яуыуы көтөлә, һауа температураһы 0-дән +2 градусҡа тиклем тәшкил итәсәк. 20 марттан термометр бағанаһы +5 градустан юғары күтәрелә. 19 марттан алып ай аҙағына тиклем яуым-төшөм көтөлмәй. 27 марттан +10 градус һәм унан юғарыраҡ булыуы фаразлана. Төндә минус температура ҡала: -5 градусҡа тиклем.

Апрель башы шулай уҡ йылы була: +7-нән +9 градусҡа тиклем, төндә -2-нән -4 градусҡа тиклем. Яуым-төшөм көтөлмәй.

Фото: нейроселтәр.