Ҡапыл йылыта, ләкин...

Башҡортостанда ҡапыл йылыныу көтөлә, ул ысын яҙға әйләнәсәк. Синоптиктар март айының икенсе яртыһында һәм апрелдең беренсе яртыһында һауа торошоноң ниндәй сюрприздар әҙерләүе хаҡында һөйләне.

“Фобос” үҙәге мәғлүмәте буйынса, кесаҙнанан, 12 марттан, нулдән киҫкен күсеү була, һәм республикала плюс температура урынлаша.

24 мартҡа тиклем көндөҙ ҙә, төндә лә термометр бағанаһы 0-дән +3 градусҡа тиклем күрһәтәсәк. Әммә сюрприздар һаман да буласаҡ. 25 мартта етди һыуытыу көтөлә. Һауа температураһы төндә -12,-15 градусҡаса түбәнәйә. Көндөҙ ҙә һалҡын, -3 градусҡа тиклем. Һыуыҡтар өс көн, 27 мартҡа тиклем дауам итәсәк. Һәм был быйыл яҙ һыуыҡтың һуңғы ағымы буласаҡ.

Бынан һуң яҙ тулыһынса үҙ хоҡуҡтарын аласаҡ. Ныҡлы йылыта башлаясаҡ. Март аҙағына термометр бағанаһы +10 градусҡа тиклем күтәреләсәк. Апрелдә төнгө ҡырау төшөүе көтөлә, ләкин көндөҙ +8-ҙән +16 градусҡа тиклем йылы буласаҡ. Ә 22 апрелгә йәйге эҫе килә –һауа көндөҙ +26 градусҡаса йылына.

Фото: Әлиә Хужәхмәтова.