Өфөлә пилотһыҙ системаларҙың киләсәген тикшерҙеләр

Рәсәй сәнәғәт форумы сиктәрендә «Пилотһыҙ авиация системалары өлкәһендә инновациялар» профилле секцияһы үтте. Ойоштороусылар булып «Пилотһыҙ берләштерелгән технологиялар» автономиялы коммерцияға ҡарамаған ойошмаһы һәм Башҡортостан Республикаһының Сәнәғәт, энергетика һәм инновациялар министрлығы сығыш яһаны. Сара Рәсәйҙә пилотһыҙ технологияларҙы үҫтереүгә арналған төп дискуссия майҙансыҡтарының береһе булды. Секция эшендә тармаҡ эксперттары, федераль власть органдары һәм бизнес‑берләшмә вәкилдәре ҡатнашты. Дискуссияның модераторы булып Мәскәүҙән БАС өлкәһендә танылған эксперт Дмитрий Летунов сығыш яһаны.

- Пилотһыҙ авиация системаларын үҫтереү Башҡортостандың сәнәғәт сәйәсәтенең өҫтөнлөклө йүнәлештәренең береһе булып тора. Бөгөн эксперттарҙы, бизнесты һәм дәүләтте туплауҙың аныҡ һөҙөмтәләр биреүен күрәбеҙ: ярҙам итеү механизмдары, сертификация мәсьәләләре тикшерелә, инвестиция тәҡдимдәре төҙөлә. Беҙҙең маҡсат — трендтарға эйәреү генә түгел, ә стратегик мөһим өлкәлә Рәсәйҙең суверенитетын тәьмин итеүсе  технология сылбырҙарын булдырыу, – тип билдәләне Башҡортостан Республикаһы Хөкүмәте Премьер-министры урынбаҫары − сәнәғәт, энергетика һәм инновациялар министры Александр Шельдяев.

Был секция Башҡортостан Республикаһының Рәсәйҙә пилотһыҙ авиацияны үҫтереүҙең әүҙем үҙәктәренең береһе статусын раҫланы һәм профессиональ берләшмәнең стратегик мөһим өлкәлә технологик суверенитетҡа өлгәшеү өсөн көстәрҙе берләштереүгә ҙур ҡыҙыҡһыныуын асыҡ күрһәтте.

Сығанаҡ: pravitelstvorb.ru

Беҙҙең МАХ каналына https://max.ru/gazetabashkortostan ҡушылығыҙ!