Спортсылар алтын алып ҡайтты

Башҡортостан  спортсылары спорт аэробикаһы буйынса халыҡ-ара ярыштарҙан алтын алып ҡайтты.

Быйылғы 30 апрелдән 2 майға саҡлы Мәскәү өлкәһенең Одинцово ҡалаһында СССР-ҙың атҡаҙанған тренеры Владимир Гургенидзе  кубогына турнир уҙғарылды. Ул тиҫтәләгән донъя һәм Европа чемпиондары әҙерләгән легендар кәңәшсе-тәрбиәсенең иҫтәлегенә бағышланды. Миҙалдар өсөн көрәштә ете илдән 400-ҙән ашыу спортсы ҡатнашты.

Беҙҙең республиканан был ярышта Октябрьский ҡалаһынан Александр Дергунов исемендәге Спорт акробатикаһы федерацияһы тәрбиәселәре булды һәм һәйбәт һөҙөмтәләр күрһәтте.

Беҙҙең чемпиондар:

ҡатнаш парҙар араһындағы алтын миҙалды Дина Низаева менән Тихон Брезгин яуланы;

ҡатнаш парҙар араһындағы бронза миҙалды Варвара Филиппова менән Арсений Ефремов алды;

ҡатын-ҡыҙҙар араһында беренсе урын Маргарита Садовникова, Анастасия Иванова һәм Камилла Кириповаға бирелде.

Чемпиондарыбыҙҙы, уларҙың ғаиләләрен һәм тренерҙарын ошо триумф менән ҡотлайбыҙ!

Һеҙҙең хеҙмәт, ныҡышмалылыҡ һәм оҫталыҡ – Башҡортостандың ғорурлығы!

Фото: “Бәйләнештә” селтәренән.