Бөтә яңылыҡтар
Әҙәбиәт һәм мәҙәниәт
16 Апрель 2019, 17:50

Башҡалар йөрәгендә ялҡын ҡабыҙып...

Уҙған быуаттың 90-сы йылдарындағы рухи күтәрелештең, милли үҙаң үҫешенең матур емеше булып барлыҡҡа килгән “Шоңҡар” журналы сирек быуат дауамында республикабыҙҙың милли матбуғаты донъяһында үҙен лайыҡлы танытыуға өлгәште. Журналдың тышлығын һәм эске биттәрен биҙәгән геройҙар – һәр йәһәттән өлгө булырлыҡ, күңелендәге осҡондан башҡалар йөрәгендә ялҡын ҡабыҙырлыҡ ҡыйыу фекерле, алдын­ғы ҡарашлы, белемле егеттәр һәм ҡыҙҙар.

Уҙған быуаттың 90-сы йылдарындағы рухи күтәрелештең, милли үҙаң үҫешенең матур емеше булып барлыҡҡа килгән “Шоңҡар” журналы сирек быуат дауамында республикабыҙҙың милли матбуғаты донъяһында үҙен лайыҡлы танытыуға өлгәште. Журналдың тышлығын һәм эске биттәрен биҙәгән геройҙар – һәр йәһәттән өлгө булырлыҡ, күңелендәге осҡондан башҡалар йөрәгендә ялҡын ҡабыҙырлыҡ ҡыйыу фекерле, алдын­ғы ҡарашлы, белемле егеттәр һәм ҡыҙҙар.


Барлыҡҡа килеүенең 25 йыл­лығын да журнал коллективы йәштәрсә дәртле, күңелле тантана рәүешендә билдәләне. Сараны үткәреү урыны итеп М. Кә­рим исемендәге Милли йәш­тәр театры һайланыуы ла осраҡлы булмағандыр.


Фойела баш ҡалабыҙҙа йә­шәп ижад иткән, эшҡыуарлыҡта ҡыйыу аҙымдар яһаған йәш йүнселдәр милли биҙәүестәр, сувенир продукцияһы, башҡорт ҡурсаҡтары, буҙа тәҡдим итте, ошонда уҡ милли матбуғатҡа яҙылыу ҙа ойошторолдо. Йыл һайын “шоңҡар”ҙарҙың туранан-тура ҡатнашлығы менән уҙға­рылған башҡорт йәштәренең “Ҡош юлы” республика бард фестивале ҡатнашыусылары дәрт­ле йырҙары менән һәр кемгә байрамса кәйеф өҫтәне.


Әлбиттә, юбилей сараһы йыр-моңға, ихлас күңелдән әйтелгән тәбрик һүҙҙәренә бай булды. Республикабыҙ йәштәре өсөн уҡымлы, ҡыҙыҡлы баҫма сыға­рыу маҡсаты менән янған, үҙҙәре лә йәш һәм дәртле хеҙмәт­кәрҙәрҙең байтағы Башҡортос­тан Дәүләт Йыйылышы – Ҡоролтайҙың, Матбуғат һәм киң мәғлүмәт саралары агентлы­ғының, “Башҡортостан Респуб­ликаһы” нәшриәт йортоноң Маҡтау грамоталарына һәм Рәх­мәт хаттарына лайыҡ булды. Бөтә донъя башҡорттары ҡо­ролтайы Башҡарма комитеты журналдың баш мөхәррире Мөнир Ҡунафинды “Ал да нур сәс халҡыңа!” миҙалы менән бүләкләне. Республиканың Баш­ҡорт ҡатын-ҡыҙҙары йәмғиәте “Шоңҡар”ға нигеҙ һалған һәм уның тәүге мөхәррире булған Таңһылыу Ҡарамышеваны Рабиға Ҡушаева исемендәге “Ҡатын-ҡыҙ – милләт әсәһе” миҙалы менән ололаны.


Бөгөн “Шоңҡар” журналы интернет киңлектәрендә киң даи­рәле эшмәкәрлек алып бара. “Минең Рәми” шиғри марафоны, Рәшит Назаровтың, Рауил Бик­баевтың, Ҡәҙим Аралбайҙың шиғырҙарын һөйләүселәр бәйге­ләре – ошо фекергә асыҡ дәлил. Быйыл Башҡортостан Респуб­ликаһының 100 йыллыҡ юбилейына арнап “Минең тыуған ҡыр­ҙарым, балдай татлы һыуҙарым!” шиғыр ятлау видеоконкурсы, “Шоңҡар” һылыуҡайы” бәйгеһе иғлан иткәндәр. Сара барышында әлеге конкурстарға йомғаҡ яһалып, еңеүселәргә иҫтәлекле бүләктәр тапшырылды. Шулай уҡ журналдың тарихына бәйле һорауҙарға дөрөҫ яуап биргән, йәштәр баҫмаһына яҙылып, отош уйынында ҡатнашҡан тамашасылар иҫтәлекле бүләктәр­гә эйә булып ҡыуанды.


Башҡорт ҡоролтайының “Ал да нур сәс халҡыңа!” миҙалын алғас, баш мөхәррир, яҙыусы һәм журналист Мөнир Ҡунафин яуап һүҙе итеп: “Башҡорт хал­ҡына хеҙмәт итәм!” – тигәйне. Һәм­мәбеҙгә лә халҡыбыҙға ихлас күңелдән хеҙмәт итеп, уның лайыҡлы улдары һәм ҡыҙҙары бу­лып, донъяға шоңҡар осор бе­йек­лектән бағып йәшәргә яҙһын.