Мурманск башҡорттары ла диктант яҙасаҡ!

Ул үҙе лә 18 майҙа үтәсәк башҡорт теленән халыҡ-ара диктантҡа ҡушылырға әҙерләнә.

Мурманск өлкәһендә меңдән ашыу милләттәшебеҙ йәшәй. Баймаҡ ҡыҙы үҙе ғүмер иткән Заозерск ҡалаһында “Умырзая” тигән төркөм ойошторған.

“Үҙебеҙҙең бейеү, йыр ансамблдәребеҙ бар, милли музыка ҡоралдарында уйнайбыҙ, төрлө конкурстарҙа, этник фестивалдәрҙә даими ҡатнашабыҙ, – ти Люция. – “Өләсәйем һабаҡтары” тип исемләнгән түңәрәк ойошторҙом, унда йөрөгән балаларға туған телебеҙҙең нескәлектәрен, милли йолаларыбыҙҙы, йыр-бейеүҙәребеҙҙе өйрәтәбеҙ. Йыл һайын һабантуй үткәрәбеҙ. Ситтә йәшәһәк тә, тыуған яғыбыҙ Башҡортостан менән бәйләнеш өҙөлмәгән. 18 майҙа башҡортса диктант яҙыуға беҙ ҙә ҡушылабыҙ һәм был ғәмәлде үтәүгә башҡаларҙы ла саҡырабыҙ”.

Мурманск башҡорттары өлгөһөнә башҡалар ҙа эйәрер тигән ышаныстабыҙ.