Бөтә яңылыҡтар

Милли музыка ҡоралдары йорто асылырмы?

V Бөтә донъя башҡорттары ҡоролтайының "Мәҙәниәт һәм сәнғәт" секцияһы бик йәнле барҙы.

Автор фотолары.
V Бөтә донъя башҡорттары ҡоролтайының "Мәҙәниәт һәм сәнғәт" секцияһында Республика халыҡ ижады үҙәгенең генераль директоры урынбаҫары, Республика сәсәндәр үҙәге етәксеһе Нәфисә Тулыбаева "Башҡорт халҡының матди булмаған мәҙәни мираҫын һаҡлау мәсьәләләре" темаһы буйынса сығыш яһаны.
"Илһөйәрлек туған телдән башлана, - тине ул. - Ата-әсә нигеҙендә бишек йыры, әкиәт, йомаҡтар ишетеп үҫкән, беҙгә хас булған көнкүреште күргән баланың тыуған еренең ысын патриоты булып китеренә өмөт-ышаныс бар. Бар донъяла халыҡтар араһында сиктәр юйыла, глобалләшеү барған осорҙа беҙ халыҡ булараҡ һаҡланып ҡалырға, йәшәргә тейешбеҙ".
Башҡа сығыш яһаусылар ҙа көнүҙәк темаларҙы күтәрҙе. Мәҫәлән, Башҡортостандың халыҡ артисы Миңлеғәфүр Зәйнетдинов Өфөлә Милли музыка ҡоралдары йорто асыу зарурлығын белдерҙе.