Бөтә яңылыҡтар

Башҡарма комитет эш комиссияларын раҫланы

Бөтә донъя башҡорттары ҡоролтайы Башҡарма комитетының сираттағы ултырышы үтте. Унда V Бөтә донъя башҡорттары ҡоролтайының резолюцияһын ҡабул итеү, секцияларҙың ҡарарҙарын ҡарау, Башҡарма комитет структураһын, комиссия составтарын раҫлау мәсьәләләре ҡаралды. Ултырышта ҡатнаша алмаған Башҡарма комитет ағзалары менән интернет аша онлайн видеобәйләнеш булдырылды.

Фото: bfmufa.ru
Бөтә донъя башҡорттары ҡоролтайы Башҡарма комитетының сираттағы ултырышы үтте. Унда V Бөтә донъя башҡорттары ҡоролтайының резолюцияһын ҡабул итеү, секцияларҙың ҡарарҙарын ҡарау, Башҡарма комитет структураһын, комиссия составтарын раҫлау мәсьәләләре ҡаралды. Ултырышта ҡатнаша алмаған Башҡарма комитет ағзалары менән интернет аша онлайн видеобәйләнеш булдырылды.


Сарала Бөтә донъя башҡорттары ҡоролтайы Президиумы рәйесе Эльвира Айытҡолова, Башҡарма комитет рәйесе Искәндәр Юлдашев, Башҡортостан Башлығының ижтимағи-сәйәси үҫеш идаралығы начальнигы урынбаҫары Ришат Сабитов ҡатнашты.


Көн тәртибендә V Бөтә донъя башҡорттары ҡоролтайының өҫтәлмәләр һәм тәҡдимдәр менән тулыландырылған Резолюция проекты Баш­ҡарма комитет ағзалары иғтибарына сығарыл­ды һәм раҫланды. Ҙур саранан һуң ҡабул ителгән был документ Башҡортостан Респуб­ликаһында, төбәктәрҙә, сит илдәрҙә эшләп килгән ҡоролтайҙарға, барлыҡ башҡорт халҡы­на таратылырға тейеш тигән тәҡдим ҡабул ителде.


Бынан тыш, Башҡарма комитет структура­һындағы комиссиялар исемлегенә үҙгәреш­тәр индерелде, уларҙың яңы составы раҫ­ланды.


Шулай итеп, Бөтә донъя башҡорттары ҡоролтайында ете комиссия эшләйәсәк: “Мәғариф, фән, башҡорт телен һәм әҙәбиәтен үҫтереү буйынса”, “Мәҙәниәт һәм ваҡытлы матбуғат буйынса”, “Территориялар менән эш буйынса”, “Тарих һәм башҡорт халҡының үҫеше буйынса”, “Социаль-иҡтисади үҫеш һәм эшҡыуарлыҡ буйынса”, “Йәштәр, ирекмәнлек һәм спорт буйынса”, “Демография, һаулыҡты һаҡлау һәм ғаилә”.