Алтынташтар башҡорт әкиәттәрен ярата

Сыбаркүл районының Алтынташ урта мәктәбендә (Силәбе өлкәһе) “Башҡорт халыҡ әкиәттәрен театрлаштырыу аша балаларҙы башҡорт халыҡ мәҙәниәтенә ылыҡтырыу” тигән сара ойошторолдо. Маҡсаты – балаларҙы халыҡтың ауыҙ-тел ижады булған башҡорт әкиәттәре менән таныштырыу, уларҙы өйрәнеү, ҡыҙ һәм малайҙарҙы бәләкәйҙән үҙ халҡының мәҙәниәтенә ылыҡтырыу.

Башта башҡорт халыҡ әкиәттәре тураһында балалар менән әңгәмә үтте, унан инде башҡорт халыҡ әкиәттәре уҡылды. Ҡыҙыҡ, һәр кемгә төрлө әкиәт оҡшаған, улар тураһында ҡыҙыу бәхәс ҡоролдо. Аҙаҡтан иң фәһемле әкиәт сәхнәләштерелде.

Автор фотоһы.