Ҡайҙа Китапҡа һәйкәл ҡуйылды?

Китаптың бер битендә бөйөк мәғрифәтсе Мифтахетдин Аҡмулланың һыны ҡуйылһа, икенсе яғында шағирҙың башҡорт халҡын белемлелеккә өндәгән һүҙҙәре яҙылған.

“Башҡорттарым, уҡыу кәрәк, уҡыу кәрәк! Арабыҙҙа наҙандар күп, уҡыу һирәк...” тигән ҡанатлы һүҙҙәре китапханаға килгән һәр кемдең иғтибарын йәлеп итә.

Һәйкәлде төҙөү тәҡдиме менән Әбйәлил районының ветерандар советы рәйесе Ансар Төлкөбаев сығыш яһай. Халыҡ та, етәкселәр ҙә риза була. Китапҡа һәйкәлде Магнитогорск ҡалаһынан рәссам- скульптор Сергей Ёлкин эшләгән.

Автор фотоһы.