Бының өсөн йырсы башҡарған көйгә бейеү видеоһы яҙҙырырға һәм социаль селтәрҙә йырсының сәхифәһенә #башкортбейеу тигән һылтанма менән һалырға кәрәк.
Иң шәп видео авторҙарына Зәйнетдин 10 мең һум аҡса вәғәҙә итә. Һөҙөмтәне 1 ноябрь иғлан итәсәктәр.
Тәүгеләрҙән булып шәп флешмобҡа Күгәрсен районының Мораҡ ауылында эшләгән “Гөрләүек” бейеү ансамбле егеттәре ҡушылған. Уларҙың тыуған төйәгендә төшөрөлгән видео берәүҙе лә битараф ҡалдырмаҫ, моғайын.