+16 °С
Облачно
Әҙәбиәт һәм мәҙәниәт
6 Ноября 2019, 06:31
“Дуҫлыҡ” төрлө милләттәрҙе тупланы
Октябрьский ҡалаһы илебеҙҙең өс төбәгенән килгән төрлө милләттәр өсөн ҡунаҡсыллыҡ үҙәгенә әүерелде. Башҡортостанға Халыҡтар берҙәмлеге көнөнә арналған “Дуҫлыҡ” милли мәҙәниәттәр фестиваль-конкурсында сығыш яһау өсөн Татарстандан, Ырымбур өлкәһенән, республикабыҙҙан 600 ҡатнашыусы йыйылды.
Октябрьский ҡалаһы илебеҙҙең өс төбәгенән килгән төрлө милләттәр өсөн ҡунаҡсыллыҡ үҙәгенә әүерелде. Башҡортостанға Халыҡтар берҙәмлеге көнөнә арналған “Дуҫлыҡ” милли мәҙәниәттәр фестиваль-конкурсында сығыш яһау өсөн Татарстандан, Ырымбур өлкәһенән, республикабыҙҙан 600 ҡатнашыусы йыйылды.
Октябрьский хакимиәте башлығы Алексей Шмелев әйтеүенсә, ҡала әүәл-әүәлдән милләт-ара татыулыҡ төйәге тип иҫәпләнә.
– Бөтә милләт вәкилдәренең рухи һәм әхлаҡи нигеҙен тәшкил иткән йолаларҙың, ғөрөф-ғәҙәттәрҙең һаҡланыуы, быуындан-быуынға тапшырылыуы менән ғорурланабыҙ. Үҙ-ара ихтирам, изге күңеллелек һәм татыулыҡ ҡала халҡының йәшәйешендә төп ҡиммәтте тәшкил итә, – тине Алексей Шмелев.
Форумда йырсылар, бейеүселәр, биҙәү-ҡулланма сәнғәт вәкилдәре сығыш яһаны. Мәғлүм булыуынса, “Дуҫлыҡ” төбәк-ара милли мәҙәниәттәр фестиваль-конкурсы Рәсәй Президенты гранттары бәйгеһендә еңеп сыҡҡайны.
