+15 °С
Облачно
Әҙәбиәт һәм мәҙәниәт
26 Ноября 2019, 11:46
Беҙгә үлемһеҙ байлыҡ ҡалдырҙы
Быйылғы йыл республикабыҙҙа Мостай Кәрим йылы булараҡ үтеп бара. Данлыҡлы әҙип халҡына үлемһеҙ байлыҡ – быуаттар дауамында уҡыласаҡ ижади мираҫ ҡалдырҙы. Мин халыҡ шағирына булған тәрән ихтирамымды, оло хөрмәтемде шиғыр юлдарына һалдым.
Быйылғы йыл республикабыҙҙа Мостай Кәрим йылы булараҡ үтеп бара. Данлыҡлы әҙип халҡына үлемһеҙ байлыҡ – быуаттар дауамында уҡыласаҡ ижади мираҫ ҡалдырҙы. Мин халыҡ шағирына булған тәрән ихтирамымды, оло хөрмәтемде шиғыр юлдарына һалдым.
Мостафаға
Ун туғыҙынсы йыл октябрҙә
Һөрән һалып барлыҡ донъяға,
Сафа Кәримовтың ғаиләһендә
Тыуған бик шуҡ ҡына ир бала.
Мостафа – ул башҡаларҙан өҫтөн,
Һайлап алынғанды аңлата.
Исем һайлағанда атай-әсәй,
Бәлки, белгәндәрҙер был хаҡта.
Мостай Кәрим ябай шағир түгел,
Ул – крәҫтиән, һалдат, эшсе лә.
Һәр әҫәре – бары фәһем генә,
Шуға ярата уны кешеләр.
Уның геройҙары – арабыҙҙа,
Улар бик күп, һанап бөткөһөҙ.
Ҡуш йөрәкле батыр Үлмәҫбайы –
Бәлки, Мостай Кәрим үҙелер?!
Даны ҡалды уның мәңгелеккә,
Гүйә, йөрәге һаман да тибә.
“Айы мәңгелеккә тотолһа” ла,
Йондоҙҙары ергә нур һибә.
Күп нәмәнән уңды һүҙ оҫтаһы,
Һәм дә унан уңды бүтәндәр.
Ул үҙенә үҙе һәйкәл ҡуйҙы,
Исеме төшмәҫ тарих битенән.
Өфө аэропорты шағир исеменә
Лайыҡ булды ошо арала.
Хәҙер шағир даны бар донъяға
Самолеттар менән тарала.
Мостай исеме мәңге онотолмаҫ,
Йәшәр шиғыр булып, йыр булып.
Киләсәк быуындар ҡабат-ҡабат
Әҫәрҙәрен уҡыр йотлоғоп.
Мәләүез ҡалаһы.
