+10 °С
Облачно
Әҙәбиәт һәм мәҙәниәт
27 Ноября 2019, 07:00
Имен булһын тыуған йорттар, Нәҫел-ырыуҙар артһын!
Ете быуын олатамдыңИсеме юғалмаһын.Олатайым тырышыптарТөҙөгән шәжәрәһен.
Шәжәрә
Ете быуын олатамдың
Исеме юғалмаһын.
Олатайым тырышыптар
Төҙөгән шәжәрәһен.
Кемдәр ҡасан тыуған, үлгән,
Ҡай быуатта йәшәгән –
Бөтәһен дә тарих итеп
Аҡ ҡағыҙға теркәгән.
Шәжәрәмде алға һалып,
Ҡөрьәнемде ҡулға алып,
Ихластан ҡылам доға.
Үлгәндәр тыныс йоҡлаһын,
Иҫәндәр йырлап йәшәһен.
Нәҫел-ырыуыма берүк,
Бәрәкәт бир һин, Хоҙам!
Нәҫел-ырыуыма берүк
Тик бәхет бир һин, Хоҙам!
Килер-тыуыр быуындарға
Йәдкәр булыр шәжәрә.
Яҡынайһын бар туғандар,
Йырағаймаһын ара.
Хоҙай беҙгә үҙе биргән
Ғәзиз яҡын туғанды.
Кеше ерҙә етем түгел,
Янда булһа туғаны.
Яҡын һәм йыраҡ туғанға
Йән тартһын һәм ҡан тартһын.
Имен булһын тыуған йорттар,
Нәҫел-ырыуҙар артһын!
Үкһеҙ етем булмауыма
Хоҙайыма мең рәхмәт.
Нәҫелемә, ырыуыма
Хоҙай бирһен бәрәкәт!
Беҙҙең ил – Советтар Союзы
Ни булды? Айырылдыҡ, ҡайырылдыҡ,
Тапалды дуҫлыҡтар, туғанлыҡ...
Тарихтың хатаһын төҙәтеп,
Киренән бер булайыҡ, берләшәйек!
Йөрәктә, йәндәрҙә һис һүнмәҫ
Туғанлыҡ, дуҫлыҡтың ут-ҡуҙы.
Йәшәне, йәшәй ул һәм йәшәр
Беҙҙең ил – Советтар Союзы!
Иң гүзәл ауылдар, ҡалалар,
Ҡеүәтле фабрика, заводтар,
Урман-тау, йылға-күл, диңгеҙҙәр...
Барыһы беҙҙә ул иң-иңдәр.
Балтика, Төркөстан, Беларусь,
Украина, Себер һәм дә Русь –
Беҙ бер ил, бер дәүләт, бер Союз –
Берҙәмлек менән беҙ көслөбөҙ.
Һин һәм мин һәм беҙҙең туғандар –
Беҙ Совет илендә тыуғандар.
Беҙ берҙәм, бер бөтөн, беҙ – бер ил,
Советтар Союзы – бөйөк ил !
Төштәремә керә Ҡандағар
Һуғыш бөтөп инде йылдар үткән,
Әле һаман һыҙлай яралар.
Һөйгәндәрен көтә тоғро ҡыҙҙар,
Ә улдарын көтә әсәләр.
Эҫе афған еле яҙмыштарҙы
Өтөп өттө, ҡалды яралар.
Төштәремә керә ҡәһәр һуғыш,
Төштәремә керә Ҡандағар.
Әле беҙгә бары ун туғыҙ йәш.
Тышта матур. Тышта йәмле яҙ.
Ҡурғаш ямғырҙары яуып үтә,
Ә күктәр һуң, күктәр салт аяҙ.
Яҡын һәм йыраҡ туғанға
Йән тартһын һәм ҡан тартһын.
Имен булһын тыуған йорттар,
Нәҫел-ырыуҙар артһын.
Ҡарттар йорто
Яҙмыштарҙың һалҡын ҡосағына
Ташлап киткән ғәзиз балаһын.
Уйламаған ҡарт көнөндә
Бер ҡарауһыҙ үҙе ҡалаһын.
Әллә үҙҙәре ғәйепле?
Әллә заманда хата?!
Ҡарттар йорто тупһаһында
Күпме яҙмыштар ята.
Ҡай берәүе үҙ балаһын
Осондорған сикһеҙ, самаһыҙ.
Күрә алмаған ғәзиз балаһына
Тәрбиәләр биреү сараһын.
Кеменәлер Хоҙай бала затын,
Ниҙер сәбәп табып, бирмәгән.
Йәшлек хаталары өсөн яҙмыш
Үс алырын бер көн белмәгән.
Туған тел
Риүәйәттәр, шәжәрәләр
Ошо телдә яҙылғандар.
Быуындарҙан-быуындарға
Йәдкәр булып ҡалған тел бар.
Туған телем – ғәзиз телем,
Башҡорт теле – әсәм теле.
Мәңге йәшә, туған телем,
Әсәм теле – башҡорт теле!
Вәлидиҙәр, Салауаттар
Һин тип түккән аҡтыҡ ҡанын.
Бабичтарың, Рәмиҙәрең
Күтәргәндәр һинең данды!
Атам, әсәм теле бит ул –
Туған телем, ғәзиз телем.
Олатамдар, өләсәмдәр
Белгән туған тел ҡәҙерен.