Тиңе булмаған мәҙәни сараға аккредитация башлана

Рәсәйҙең сит ил эштәре министрлығы вәкиле Мария Захарова, аҙна һайын үткәрелә торған брифингта VI Бөтә донъя Фольклориадаһына аккредитация башланыуҙы иғлан иткән.

- Масленица аҙнаһы сиктәрендә халыҡ традицияларын һәм йолаларын һаҡлауға ҙур өлөш индергән бик ҙур мәҙәни сараны анонсларға теләр инем. Ул Башҡортостан Республикаһында планлаштырыла. 18 июлдән 1 августҡа тиклем был төбәктә Фольклор фестивалдәре һәм традицион сәнғәт ойошмалары Халыҡ-ара Советының VI Бөтә донъя Фольклориадаһы үтәсәк.

Был киң масштаблы сара бер нисә этапта үтәсәк. Тантаналы асыу сараһы 18 июлдә Өфөлә буласаҡ, ә 19 июлдә барлыҡ ҡунаҡтар милли костюмдарҙа үтәсәк. Тап был аҙнанан Рәсәй һәм сит ил матбуғаты саралары өсөн VI Бөтә донъя Фольклориадаһының рәсми сайтында аккредитация башланды. Сарала 85 илдән 3000-дән ашыу кеше ҡатнашасаҡ. 14 көн дауамында төрлө илдәрҙең һәм төбәктәрҙең вәкилдәре мәҙәниәт ярҙамында үҙ-ара аралашасаҡ, - тип белдергән Мария Захарова.

Анығыраҡ мәғлүмәт менән мәҙәни сараның рәсми сайтында танышырға мөмкин, тип яҙа “Башинформ” агентлығы.

Фото: culture.ru