+15 °С
Облачно
Әҙәбиәт һәм мәҙәниәт
9 Июля 2020, 16:00
Журналистар, конкурста ҡатнашығыҙ!
Шәһит Хоҙайбирҙин исемендәге премияға быйыл кемдәр дәғүә итергә уйлай?
Башҡортостан Хөкүмәте ҡарамағындағы комиссия Шәһит Хоҙайбирҙин исемендәге премияны биреү буйынса конкурсҡа документтар ҡабул итә башлай.
Положениеға ярашлы, премия 2019 йылдың сентябренән 2020 йылдың авгусына тиклемге осорҙа донъя күргән иң яҡшы мәҡәләләр, теле-радио тапшырыуҙар өсөн журналистарға һәм коллективтарға тапшырыласаҡ.
Документтар 2020 йылдың 1 сентябренә тиклем түбәндәге адрес буйынса ҡабул ителә: 450079, Өфө, Октябрҙең 50 йыллығы урамы, 13, Башҡортостан Журналистар союзы, 817-се офис (Матбуғат йортоноң 8-се ҡатында). Телефон: (347) 276-42-66. Тулы мәғлүмәт менән Башҡортостандың Матбуғат һәм киң мәғлүмәт агентлығы, Журналистар союзы сайттарында таныша алаһығыҙ.
Фото: "Башинформ".
